समाज

आफ्नो भवन छाडेर १० वर्षदेखि भाडामा कृषि विकास बैंक
SHARES

कात्तिक २१, २०७५

    दाङ : आफ्नै भवन नहुँदा यहाँका केही सरकारी कार्यालयहरुले भाडाको भवनवाट सेवा दिँदै आएका छन्। तर कृषि विकास बैंक तुलसीपुर शाखा भने आफ्नै भवन हुँदा हुँदै १० वर्षदेखि भाडाको भवनमा कार्यालय सञ्चालन गर्दै आएको छ।

    तुलसीपुर उपमहानगरपालिका–६ हात्तीखौवा चोक नजिक रहेको १५ कठ्ठा जमिनमा रहेको आफ्नै भवन छाडेर कृषि विकास बैंकले सोही वडामा रहेको उच्च अदालत नजिकको घर भाडामा लिएर कार्यालय सञ्चालन गर्दै आएको छ। त्यस भवनमा कार्यालय सञ्चालन गरे बापत बैंकले मासिक ६७ हजार रुपैयाँ भाडा तिर्दै आएको बैंकका प्रबन्धक नेत्रबुड थापाले जानकारी दिए। 

    शाखा प्रबन्धक थापाका अनुसार कारोबार, आवश्यक सुरक्षा र केन्द्र भएकाले भाडाका भवनमा बैंक राखिएको हो। केन्द्रले निर्देशन दिए जुन कुनै अवस्थामा पनि आफ्नै भवनबाट सेवा दिन सकिने थापाको भनाइ छ। केन्द्र र क्षेत्रीय कार्यालयसँग यहाँको अवस्थाबारे जानकारी गराएको उनले बताए। 

    बैंकको नाममा रहेको जमिन र भवन सुनसान रहेको छ। कुनै प्रयोजनका लागि प्रयोगमा आएको छैन। तर, बैंकले प्रत्येक दुई÷दुई वर्षमा दश प्रतिशत घरभाडा बढाउने सम्झौता नवीकरण गर्दै बैंकले दश वर्षदेखि उक्त भवन प्रयोग गर्दै आएको छ। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]