स्वास्थ्य

मोटोपन नियन्त्रण गर्न यी फलफूल नियमित सेवन गर्नुहोस्
SHARES

कात्तिक २१, २०७५

    काठमाडौं : मानिसहरूले आफ्नो खानपानलाई ध्यान नदिँदा विभिन्न प्रकारको शारीरिक समस्या भोग्ने गर्छन्। शरीरलाई स्वस्थ राख्न हामीले सन्तुलित खानेकुरा खानुपर्छ। अझ हामीले खाने खानेकुरामा पर्याप्त मात्रामा फलफूल हुनु आवश्यक छ। फलफूलमा पर्याप्त मात्रामा पोषण, भिटामिन सी, ए, फाइबर पाइन्छ।

    शरीरमा तौल सन्तुलित राख्न पनि प्रशस्त मात्रामा फलफूल खानुपर्ने हुन्छ। अझ केही फलफूलको नियमित सेवनले हाम्रो शरीरको तौललाई नियन्त्रणमा राख्नसमेत सहयोग गर्छ।

    यी फलफूल नियमित सेवन गर्नाले शरीरको तौल नियन्त्रित हुन्छ

    मेवा

    मेवामा क्याल्सियम, भिटामिन, आइरन, मिनरल तथा फास्फोरस प्रशस्त मात्रामा पाइन्छ। यसले हामीले खाएको खानेकुरालाई राम्रोसँग पचाउने गर्छ। यस्तै, शरीरमा क्यालोरी सँगालेर राख्ने गर्छ, जसले गर्दा भोक धेरै लाग्ने समस्याबाट छुट्कारा पाइन्छ।

    तरबुजा

    तरबुजामा क्यालोरी कम हुने र पानी धेरै हुने भएकाले तरबुजा खाने गर्नाले शरीरको तौल बढ्न दिँदैन। मोटोपनको समस्या भएकाहरूले नियमित रूपमा तरबुजाको जुस खाने गर्नाले मोटोपन घटाउनुका साथै थप तौल बढ्न दिँदैन।

    केरा

    एउटा कोसा केरामा १०५ क्यालोरी हुने गर्छ, जसले गर्दा शरीरमा ऊर्जा प्रदान गर्नुका साथै यसले शरीरमा तौल बढ्नबाट जोगाउँछ। यस्तै, केराले उच्चरक्तचापबाट बचाउनुका साथै एसिडिटीबाट समेत बचाउने गर्छ।

    नासपाती

    नासपातीमा प्रशस्त मात्रामा फाइबर हुने हुनाले यसको सेवनले मोटोपनबाट जोगाउँछ। नासपाती सेवन गर्दा भोकको अनुभव हुँदैन, जसले गर्दा खानेकुरा धेरै नखाइने हुनाले शरीरमा तौल बढ्नबाट रोकिन्छ।

    आँप

    आँपमा प्रशस्त मात्रामा, मैग्निसियम, एन्टीअक्सिडेन्ट हुने गर्छ। यसले गर्दा आँपको सेवनले पनि शरीरमा तौल कम गर्न सहयोग गर्छ।

    स्ट्रबेरी 

     स्ट्रबेरीको नियमित सेवनले पनि शरीरमा तौल बढ्न दिँदैन। स्ट्रबेरीमा पनि प्रशस्त मात्रामा क्यालोरी हुने हुँदा यसको सेवनले भोक कम लाग्ने गर्छ।

    अनार

    अनारको सेवनले शरीरको तौल बढ्न दिँदैन भने यसको नियमित सेवनले शरीरमा शक्ति प्रदान गर्नुका साथै रक्तअल्पता भएकाहरूलाई समेत फाइदा गर्छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]