स्वास्थ्य

कालिकोट जिल्ला अस्पताल प्रदेश सरकार मातहतमा
SHARES

कात्तिक २२, २०७५

    कालिकोट : जिल्ला अस्पताल कालिकोट कर्णाली प्रदेश सरकारको मातहतमा हस्तारण गरिएको छ। बिहीबार एक औपचारिक कार्यक्रमका बीच जिल्ला अस्पताल कालिकोटलाई प्रदेश सरकार मातहतमा हस्तारण गरिएको हो।

    नेपाल सरकारको निर्णयानुसार ७७ जिल्लाका जिल्ला अस्पतालहरूलाई प्रदेश सरकार मातहत सञ्चालन गर्ने निर्णयानुसार जिल्ला अस्पताल कालिकोटलाई प्रदेश सरकार माहतहतमा लगिएको हो।

    कर्णाली भौगोलिक रूपमा विकट रहेकाले स्वास्थ्य सेवाबाट बञ्चित नागरिकलाई प्रभावकारी सेवा पुर्‍याउन स्थानीय तहमा अस्पताल सञ्चालन गर्ने अवधारणाअनुसार प्रदेश सरकार मातहतमा ल्याइएको कर्णाली प्रदेश सामाजिक विकास मन्त्रालयका सचिव डा. मानबहादुर बिकले बताए। ‘ग्रामीण क्षेत्रमा बस्ने नागरिकहरूलाई शुरुमा आवश्यक पर्ने प्राथमिक स्वास्थ्य सेवा पुर्‍याउन प्रदेश सरकार तयार छ’, उनले भने, ‘प्रदेश सरकारले यहाँका नागरिकको स्वास्थ्यमा पहुँच पुर्‍याउनका लागि सबै प्रकार काम गर्न तयार रहेको छ।’

    जिल्ला अस्पतालमा स्वास्थ्य सेवाको सहज पहुँच नभएको उपकरणको समस्या रहेकोले त्यसको व्यवस्था तत्काल गरिनुपर्ने र जनसंख्याका आधारमा १५ शय्याको जिल्ला अस्पताललाई ५० शय्याको अस्पतालका विकास गर्न पहल थालिने प्रदेश सांसद कुर्मराज शाहीले बताए। उनले भने, ‘कालिकोट, अछाम र दैलेखको बीचमा अस्पताल रहेका कारणले पनि यो अस्पताललाई ५० शय्याको अस्पताल विकास गर्न पहल थालिने छ।’

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]