समाज

हिरासतमाा युवक झुण्डिएपछि प्रहरी कार्यालय तोडफोड

प्रहरीद्वारा हवाई फायर, १५ जना पक्राउ

बैशाख २६, २०७६

    चितवन : इलाका प्रहरी कार्यालय रत्ननगरको हिरासतमा एक युवक झुण्डिएको फेला परेपछि स्थिति तनावग्रस्त बनेको छ । 

    कालिका नगरपालिका–१ का समिर घिसिङ हिरासतभित्रकै शौचालयमा झुण्डिएको अवस्थामा फेला परेपछि उनका आफन्तले इलाका प्रहरी कार्यालयमा तोडफोड गरेका हुन् । स्थानीय तोडफोडमा उत्रिएपछि प्रहरीसँग झडप भएको हो।

    झुण्डिएको अवस्थामा भेटिएका घिसिङको भरतपुरस्थित पुरानो मेडिकल कलेजमा उपचार भइरहेको प्रहरीले जनाएको छ। तर आफन्तले घिसिङको मृत्यु भएको भन्दै प्रहरी कार्यालय तोडफोड र पूर्व–पश्चिम राजमार्ग अवरुद्ध गरेका थिए । 

    स्थिति नियन्त्रण बाहिर गएपछि प्रहरीले हवाई फायर गरेको छ । केही सेल अश्रुग्यास पनि हानिएको छ। तनाव बढेपछि प्रहरीले १५ जनालाई नियन्त्रणमा लिइएको छ।

    जिल्ला प्रहरी कार्यालय चितवनका प्रहरी नायव उपरीक्षक दुर्गाराज रेग्मीका अनुसार बल प्रयोग गरी राजमार्ग खुलाइएको छ । घिसिङ बुधबार चोरी अभियोगमा पक्राउ परेका थिए ।
     

उर्गेन तामाङ

तामाङ थाहा खबरका चितवन समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]