मनोरञ्जन

आइफा अवार्ड नेपालमा नहुने, पछि हट्यो सरकार
SHARES

असार १८, २०७६

    काठमाडौं : इन्टरनेशल इन्डियन फिल्म एकाडेमी (आइफा) अवार्ड नेपालमा नहुने भएको छ । संसदको अन्तर्राष्ट्रिय सम्बन्धन समितिले रोक्न निर्देशन दिएसँगै सरकार आइफा अवार्ड नगर्ने निर्णयमा पुगेको हो ।

    आइफाइ अवार्ड गराउने निर्णय निरन्तर विवादमा तानिएपछि सरकार पछि हटेको हो । नेपाल पर्यटन बोर्डका प्रमुख कार्यकारी अधिकृत दीपकराज जोशीले यो वर्षको आइफा अवार्ड नेपालमा नहुने पुष्टि गरे। 

    कार्यकारी अधिकृत जोशीले अवार्ड समारोह आयोजना गर्नका लागि आवश्यक प्रक्रिया अघि बढिनसकेकै अवस्थामा विवादित बन्‍‍न पुगेपछि नेपालको पनि अवस्था हेरेर पनि यो निर्णय लिइएको बताए ।

    'यो अवार्ड नेपालमा गरेर पर्यटन वर्ष २०२० को पनि प्रचार गर्ने तयारीमा थियौँ', उनले सञ्चारकर्मीहरुसँग भने, 'देशमा चलेको विवादको अवस्थाको पृष्ठभूमिमा संसदीय समितिको समेत निर्देशनलाई पालना गर्दै यो वर्ष नेपालमा आइफा अवार्ड समारोह नगर्ने निचोडमा पुगेका हौँ। अर्को वर्षतिर पर्याप्त पूर्वाधार बनाएर यो समारोह गर्न सकिएला।'

    आइफा अवार्ड समारोह नेपालमा गर्ने तयारी गर्न खोज्दा विवादित बनाइएको भन्दै जोशीले यो वर्ष त्यो अवसर गुमेको बताए । 'यो समारोहमा ८० देखि सयजनासम्म हाइ प्रोफाइलका सेलिब्रिटीहरु नेपालमा आउँथे', उनले भने, 'हामीले उनीहरुलाई चितवन, पोखरासहितका स्थानमा घुमाएर प्रवर्द्धनको तयारीमा थियौँ, तर अब यो सायद हुँदैन।'

    जोशीले बुधबार दिउँसो पर्यटन मन्त्रालयमा छलफल भएपछि औपचारिक निर्णय गरिने बताए । 'यसबारेमा हामी पर्यटन मन्त्रालयमा छलफलका लागि जाँदैछौँ', उनले भने, 'त्यहाँ छलफलपछि आइफाबारे औपचारिक निर्णय सरकारबाट आउनेछ।'

    आइफा आयोजकले करिब ५० करोड खर्च नेपालले ब्यहोर्नुपर्ने आशयसहितको प्रस्ताव पठाए पनि त्यसमा कुनै पनि सम्झौता नभएको जानकारी दिए। 'उनीहरुले प्रस्ताव पठाएका हुन्, तर त्यसमा छलफल भएकै छैन', उनले भने, 'आइफाका आयोजकहरु नेपालमा आएकै छैनन्, कुरै अगाडि बढ्न पाएको छैन। हामी उनीहरुको प्रस्तावमा सहमत भएको भए हुन्थ्योकि, तर अब नुहने अवस्था भएको छ।'

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]