स्वास्थ्य

सुत्केरी भएका महिलाको प्राेत्साहन रकम अधुरो, १० लाख अपुग

असार २६, २०७६

    मुगु  : जिल्ला अस्पताल मुगु र छायाँनाथ रारा नगरपालिकाभित्र रहेका ५ वटा वर्थिङ सेन्टर (प्रसूति गृह) मा सुत्केरी भएका महिलाको प्रोत्साहन रकम अधुरो आएको छ। यस वर्ष सुत्केरीलाई आधार मानी १६ लाख २६ हजार रुपैयाँ आउनु पर्ने भए पनि जम्मा ६ लाख मात्र आएको हो।

    आर्थिक वर्ष २०७५/०७६ मा जिल्ला अस्पताल मुगुमा २०० र ३० र छायाँनाथ रारा नगरपालिकाभित्र रहेका पाँच वटा प्रसूति गृहमा १९८ जना गरी ४२८ जनाले सुत्केरी सेवा लिएका भए पनि रकम अभावमा धेरै सुत्केरीले प्राेत्साहन रकम पाएका छैनन्। 

    स्वाथ्य संस्थामा आई सुत्केरी गराएवापत ३ हजार यातायात खर्च र नियमित गर्भजाँच गराए वापत ८०० का दरले प्रोत्साहन रकम पाउने प्रावधान भएको भए पनि सुत्केरी महिलाले रकम अभावमा प्रोत्साहन रकम पाउन नसेका जिल्ला अस्पात मुगुले जनाएको छ।

    आर्थिक वर्ष २०५/०६७ को साउनदेखि जिल्ला असारसम्म जिल्ला अस्पतालमा २३० जनाले सुत्करी सेवा लिएका भए पनि केहीले प्रोत्साहन रकम पाएका र कोही छुटेका जिल्ला अस्पताल मुगुका मेडिकल अधिकृत डबलबहादुर मल्ले बताए।  

    उनका अनुसार  प्रोत्साहन रकम तीन लाख ३० हजार मात्र निकासा भई आएको छ। त्यो रकमले जतिलाई भेट्यो तेही अनुसार सुत्केरी लाई प्रोत्साहन रकम उपल्बध गराएका र बाँकी सुत्केरी महिला उनका भनाई छ।

    जिल्ला अस्पताल मुगु र छायाँनाथ रारा नगरपालिकाभित्र रहेका ५ वटा बर्थिङ सेन्टर ढुंग्रेधारा, ढुम, पिना, गुम र बाम प्रसूति गृह सुत्केरी भएकाहरूका लागि ६ लाख रकम आएको छायाँनाथ रारा नगरपालिका स्वास्थ्य शाखा प्रमुख हरि बुढाले जानकारी दिए। त्यसैमा मा जिल्ल अस्पतामा सुत्केरी हुन आउनेलाई तीन लाख ३० हजार र बाँकी दुई लाख ७० हजार प्रसूति गृहमा सुत्केरी हुन आउनेलाई प्रोत्साहन रकम वितरण गरेको उनको भनाई छ।

    उनका अनुसार एक वर्षमा  प्रसूति गृहमा ७१ जना, गुम प्रसूति गृहमा २ ढुंग्रेधारा प्रसूति गृहमा ४८, ढुम प्रसूति गृहमा ४७ र  बाम प्रसूति गृहमा ३० जना गरी १९८ जनाले स्वास्थ्य संस्थामा आई सुत्केरी सेवा लिएका भए पनि ९२ जनाले मात्र सुत्केरी प्रोत्साहन रकम पाएका छन्। त्यसैगरी अन्य १०६ जनाले सुत्केरी वापतको प्रोत्साहन रकम नपाएकाे शाखा प्रमुख बुढाले बताए।  

    प्रोत्साहन रकम समयमै माग गर्दा पनि सुनुवाई नहुने र आए पनि अधुरो रकम आउनुले झमेला हुनुका साथ रकम वितरण समस्या हुने गरेको जिल्ला अस्पताल मुगुले जनाएको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]