राजनीति

वडाध्यक्षहरूले मुख्यमन्त्रीलाई सोधे, ‘हाम्रो मर्यादाक्रम के हो?’

वडासदस्यकै हैसियतमा राखिएको गुनासो

साउन १८, २०७६

    पोखरा : स्थानीय तहका वडाअध्यक्षहरुको एक समूहले गण्डकी प्रदेशका मुख्यमन्त्री पृथ्वीसुब्बा गुरुङसँग भेटेर आफ्नो हैसियत निर्धारण गर्न माग गरेका छन्।

    मुख्यमन्त्रीसँग भेटका क्रममा उनीहरुले निर्वाचित जनप्रतिनिधि भएरसमेत सरकारले आफूहरुलाई मार्यदाक्रममा नराखेको भन्दै गुनासो गरेका थिए। ‘हाम्रो हैसियत के हो?’, उनीहरुले मुख्यमन्त्रीलाई प्रश्न गरे।

    गृह मन्त्रालयको मर्यादाक्रममा वडाअध्यक्ष र सदस्यहरुको मर्यादाक्रम कहाँ कसरी हुने भनी केही उल्लेख छैन। उनीहरुले वडासदस्य कार्यपालिका सदस्य बनेपछि व्यवहारिक कठिनाई देखिएको विषयसमेत मुख्यमन्त्री गुरुङसँग राखेका थिए। कार्यपालिका सदस्य र वडाअध्यक्षको हैसियत बराबर हुने व्याख्याले कठिनाई भएको वडा अध्यक्षहरुको भनाई छ।

    जवाफमा मुख्यमन्त्री गुरुङले पनि नयाँ मर्यादाक्रममा वडाअध्यक्षहरुलाई अन्याय भएको बताएका थिए। ‘वडाअध्यक्ष मात्रै नभएर प्रदेश नीति तथा योजना आयोग जस्ता अन्य सरकारी निकायबारे मर्यादाक्रम बेखबर छ,’ मुख्यमन्त्री गुरुङले भने। प्रदेशले संघीय सरकारसँग यसबारेमा कुरा उठाइरहेको जानकारी दिँदै गुरुङले यो अवस्था चाँडै अन्त्य हुने बताए। 

    जनप्रतिनिधिहरुले पनि आफ्नो मर्यादामा आँच आउने काम गर्न नहुनेमा उनले सचेत गराए। वडाअध्यक्षहरुले वडामा आउने बजेट चालुतर्फको मात्र बढी हुने भएकोले विकासको काममा कठिनाई भइरहेकोसमेत बताएका थिए। 

    बाग्लुङ जिल्लाको ४ स्थानीय तहका करिब २ दर्जन वडाअध्यक्षहरुको समूहले मुख्यमन्त्रीसँग भेट गरेको थियो। 

सन्तोष अधिकारी

अधिकारी समसामयिक राजनीति र खेलकुदबारे रिपोर्टिङ गर्छन्। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]