समाज

क्षतिपूर्ति माग्दै बाँकेका फौजी किरापीडित कृषक

कात्तिक ४, २०७६

    बाँके : पाकेर काट्न तयारी अवस्थामा रहेको धानबालीमा लागेको फौजी किरा नियन्त्रण र कृषकलाई क्षतिपूर्तिको माग गर्दै डुडुवा गाउँपालिकाका कृषकले प्रमुख जिल्ला अधिकारीलाई ज्ञापन पत्र बुझाएका छन्।

    डुडुवा गाउँपालिका १, २, ३, ४ र ६ का कृषकको धानबालीमा फौजी किराले पुर्‍याएको क्षतिको विवरण संकलन र प्रकोप नियन्त्रणको लागि तत्काल पहल गर्न मागसहितको ज्ञापन पत्र प्रमुख जिल्ला अधिकारी कुमारबहादुर खड्कालाई बुझाएको फौजी किरा पीडित संघर्ष समितिका अध्यक्ष रामधनी यादवले जानकारी दिए। 
    डुडुवा गाउँपालिका ६ मा शनिवार भएको किसान भेलाले क्षतिपूर्ति र किरा नियन्त्रणका लागि सरकारलाई दबाब दिन फौजी किरा पीडित संघर्ष समिति गठन गरेको थियो।

    अविलम्ब रोग पहिचान गरी विषादीको व्यवस्था, कृषकका लागि आपातकालीन सेवाको सुरुवात, धानबालीको यथासीघ्र अनुगमन र क्षतिको विवरण संकलन गरी कृषकलाई क्षतिपूर्ति उपलब्ध गराउन पहल गर्नुपर्ने माग गरिएको उनले बताए। 'आगामी दिनमा कृषकले लगाउने दलहन, तेलहन र तरकारी खेतीलाई सुरक्षित गर्न पूर्वतयारीको आवश्यक कदम चाल्नु पर्ने माग पनि ज्ञापन पत्र मार्फत गरेका छौँ’, उनले भने।  

    नेकपा डुडुवा गाउँपालिकाका अध्यक्ष शकील खानले डुडुवा गाउँपालिका २ र ६ धान पकेट क्षेत्र भएकोले उचित ब्यवस्था गर्न माग गरे। उनले कृषकले रोपेको धानमा ठूलो क्षति पुर्‍याएकोले क्षतिपूर्तिको ब्यवस्था गर्नुपर्ने बताए। 

    डुडुवा गाउँपालिका ६ का वडाध्यक्ष मोहनराम मिश्रले धान घर भित्र्याउने बेलामा फौजी किराले ठूलो क्षति पुर्‍याएको भन्दै लागत अनुसारको क्षतिपूर्ति दिन माग गरे। 
    फौजी किराले ठूलो क्षति पुर्‍याए पनि गाउँपालिकाले बेवास्ता गरेको कृषकको गुनासो छ।

    फौजी किरा नियन्त्रण गर्न बेवास्ता गरिए संघर्षमा उत्रिन बाध्य हुने संघर्ष समितिका अध्यक्ष यादवले चेतावनी दिएका छन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]