स्वास्थ्य

चौबिसै घन्टा स्वास्थ्य सामग्री आपूर्ति गर्न अपिल

चैत १२, २०७६

    काठमाडौं : स्वास्थ्य सामग्री व्यवसायीहरुको संगठन रसायन तथा मेडिकल आपूर्ति संघ नेपालले देशभरका हरेक अस्पताल र स्वास्थ्य संस्थाहरुमा २४ सै घन्टा आवश्यक स्वास्थ्य सामग्री आपूर्ति गर्न र आवश्यकताअनुसार मर्मत सम्भार कार्य गर्ने व्यवस्था मिलाउन संघमा आबद्ध व्यवसायी तथा कर्मचारीलाई अपिल गरेको छ । 
    संघका अध्यक्ष सुरेश घिमिरेले बुधबार एक विज्ञप्ति जारी गर्दै कोभिड–१९ भाइरसको समस्यासँग जुध्न आफ्नो सामथ्र्यले भ्याएसम्म हरेक स्वास्थ्य संस्थामा सामग्री आपूर्तिको व्यवस्था मिलाउन सम्पूर्ण व्यवसायीहरुलाई अपिल गरेका हुन् । 

    ‘हामीले आफ्नो सामथ्र्यले भ्याएसम्म हरेक अस्पताल र स्वास्थ्य संस्थामा ३४ सै घन्टा आवश्यक स्वास्थ्य सामग्री आप्ूर्ति गर्ने र आवश्यक्ताअनुसार मर्मत सम्भार कार्य गर्ने व्यवस्था मिलाउन सहयोग गरिदिनहुन सम्पूर्ण व्यवसायी र सम्बद्ध कर्मचारी साथीहरुलाई हार्दिक अपिल गर्दछौँ’, विज्ञप्तिमा भनिएको छ । 

    सेवा प्रदान गर्दा आवश्यक दूरी कायम गर्न र सुरक्षाका उपाय अवलम्बन गर्न पनि संघले अनुरोध गरेको छ । कोभिड–१९ बाट बच्न सरकारले चालेका कदमहरुलाई संघले पूर्ण समर्थनका साथ स्वागत पनि गरेको छ । 

    ‘अहिलेको परिस्थितिमा हामी यस विषयसँग सम्बन्धित व्यवसायी भएकोले पनि राष्ट्र सेवाको गम्भीर परिक्षाको घडीमा उभिन आइपुगेका छौँ । यस संकटको समयमा हामी सम्बद्ध सबै व्यवसायी साथी एकजुट भई व्यक्तिगत स्वार्थबाट माथि उठी राष्ट्रको स्वार्थमा खरो उत्रिन सफल हुनेछौँ र अहिले हाम्रो काँधमा आएको गम्भीर जिम्मेवारीवाट कहीँ कतै चुक्ने छैनौं भन्ने विश्वास छ’, विज्ञप्तिमा भनिएको छ ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]